Сіздерді Ұлыстың ұлы күні - 22 наурыз мерекесімен шын жүректен құттықтаймын!
Тәуелсіз елімізге бейбітшілік, саяси тұрақтылық, әлеуметтік және экономикалық өріс, Отанымыздың келешегі жарқын болып, ел ішінде ынтымақ пен бірлік нығая берсін.
Отбасыларыңыз аман, денсаулықтарыңыз зор,ел игілігі жолындағы еңбектеріңіздің жемісті болуына тілектеспін!
Ұлыс оң болсын, ақ мол болсын!

Н. ТЛЕПОВ.
Аудандық мәслихаттың хатшысы.

Қазақстан  халқы үшін Наурыз мейрамы – көктем  мен жаңаруды айшықтайтын мерейі тасыған  ұлы мереке. Наурыз – көктемгі жаңарудың, махаббаттың, ақ пейіл мен татулықтың мерекесі. Ол өткенді саралап, болашағымызды болжайтын ерекше кезең.
Тарихи тамыры тереңге бойлаған әз-Наурыз дана халқымызда қай кезде де еңсесі биік елдің іргесі сөгілмес бірліктің, ырыс пен ынтымақтың мерекесі болып келген.
Ежелден жаңару мен жасампаздықтың бастауы, ырыс пен берекенің арқауы болған әз-Наурыз қажырлы еңбектеріңізге толағай  табыстар әкелсін. Ел тыныш, туған жер аман болып, арайлап атқан әрбір таң шат көңіл, бақыт және береке сыйласын. Ақ мол, жыл ырысты болсын!

Е. Тилеубеков.
Аудандық соттың төрағасы.

Көктем келді бәйшешекті гүлдендіріп,
Айналаны әсем етіп түрлендіріп.
Ұлыстың ұлы күні келіп жетті,
Қуанышқа шаттық жағып үрлендіріп.

Кең жайылып кереге,
Наурыз келді мереке.
Халқымызға әкелді,
Бақыт, дәулет, береке.

Наурыз - түбі бір түркі жұртына ғана емес, күллі шығыс елдеріне ортақ мереке. Наурызда күн ұзарып, түн қысқарады, аспан денелері өздерінің ең бастапқы нүктелеріне келіп, күн мен түн теңеледi. Табиғат та, Жер-Ана да, жан-жануар да түлейдi, жаңарады. Адамзаттың бойында қан жүгiрiп, тал-теректер бүршiк жарады. Қазақтың сайын даласын Қызыр баба кезiп, адам баласына құт-береке, бақ-дәулет сыйлайды. Самарқанның көк тасы ерiп, қасиеттi қара жер, қара топырақ бусанады. Бұл айда тұрғындар