Қазіргі таңда «Азаматтарға арналған үкімет» мемлекеттік корпорациясы» коммерциялық емес акционерлік қоғамының Жамбыл облысы бойынша филиалы-Халыққа қызмет көрсету бойынша Байзақ аудандық бөлімі арқылы тұрғындар көптеген мемлекеттік қызметтерді жылдам, еш кедергісіз алуда.
Жақында жер учаскесіне қатысты 3 жаңа қызмет түрі іске қосылды. Атап айтқанда «Жер учаскесінің кадастрлық (бағалау) құнын анықтау», «Жер учаскесінің сапалық жағдайы туралы мәліметтерді немесе ақпаратты алу», «Мемлекеттік жер кадастрының автоматтандырылған ақпараттық жүйесінің графикалық деректері бойынша жобаланатын жер учаскесін келісуді” egov.kz электронды үкімет порталында онлайн алуға болады. Аталмыш қызметтерді алу үшін пайдаланушы порталға кіріп, «Жылжымайтын мүліктің мемлекеттік бірыңғай кадастры» салымында үш қызметтің бірін таңдау қажет. Ең басты талап – электрондық цифрлық қолтаңбаның  болуы міндетті.
Көрсетілетін қызметті алушының «жеке кабинетіне» мемлекеттік қызмет көрсетуге арналған сұранымның қабылданғаны туралы мәртебе, сондай-ақ мемлекеттік қызмет көрсету күні мен уақыты көрсетілген хабарлама жіберіледі.

Талғат РАХМЕТОВ,
Гаухар АЙТБЕКОВА,
Арман ЕСМАҒАМБЕТОВ,
Халыққа қызмет көрсету орталығы бөлімінің мамандары.