Аудан әкімдігінің ішкі саясат бөлімі «Жастар ресурстық орталығы» КММ-і және аудан әкімдігі дене шынықтыру және спорт бөлімі бұқаралық спорттық іс-шаралар өткізу орталығының бірлесе ұйымдастыруымен «BAIZAQ CUP-2023» атты шағын футболдан аудандық турнир өтті.
Қазақстан Республикасының Мемлекеттік Гимні орындалып, аудан әкімдігі ішкі саясат бөлімінің басшысы Салтанат Иманова, «Аmanat» партиясы аудандық филиалының төрағасы Индира Спаналиева жарыс қатысушыларына сәттілік тілеп, аталмыш шараның маңыздылығына тоқталды. 
Спорт – денсаулық кепілі, спорт-достықтың алтын көпірі. Жастар арасындағы ала доп аламанын ұйымдастырудағы мақсат-жастар арасындағы достықты нығайту, салауатты өмір салтын қалыптастыру және кеңінен насихаттауды көздеді.
Турнирдің бас төрешісі ойын тәртібін түсіндірген соң, он команда арасындағы тартысқа толы жарыс басталып та кетті. Аталған жарысқа әр аймақта өткізілген топтық кезеңде үздік деп танылған екі командадан және «Жасыл ел» жасағы мен аудандық пробация тізіміндегі жастардан құралған команда қатысқанын айта кеткен жөн.
Турнир нәтижесінде «Бәйтерек» командасы бірінші орыннан көрінсе, «Көктал» командасы екінші, ал пробация тізіміндегі жастардан құралған команда жүлделі үшінші орынды иеленді. 1, 2, 3 орын алған командалар дәрежеге сәйкес дипломдар, медаль, кубоктармен және қаржылай сыйлықтармен марапатталды.

Аудан әкімдігінің баспасөз қызметі.