Жыл сайын ауданда көктемгі-күзгі ауыл тазалығы мен көріктендіріп, көгеріштендірудің екі айлығы өтіп келеді. Мұнда тазалықпен бірге ауылдарда әртүрлі тал-дарақтар отырғызуға басымдық берілуде.
Өткен жылғы күзде аудан бойынша 1335 түп қарағаш, терек, жеміс ағаштары отырғызылған болатын. Олардың ішіндегі өнбей қалған 215 дана тал көктемде қайта қалпына келтірілген еді. Ал биылғы күзгі екі айлықта 1490 түп қарағаш, терек, жеміс ағаштарын отырғызу жоспарланып отыр. Бұл әрбір ауылдық округтерге бөлініп берілген. Алдағы аптадан бастап ауылдарда тал егу жұмыстары қолға алынатын болады.
Тал егіледі. Алайда әрбір округ әкімшілігі еккен талдарының өнуін қолға алып, оны суару, малдан қорғау жұмыстарын естен шығармағандары жөн.

«Ауыл жаңалығы» - ақпарат.