Онлайн газет



АУЫЛДЫҚ КЛУБ – ЕЛ ИГІЛІГІНЕ БЕРІЛДІ

Темірбек ауылдық округіне қарасты Тегістік ауылында 90 орындық ауылдық клуб ел игілігіне берілді.
Мәдениет ошағының ашылу салтанатына қатысқан ҚР Мәдениет және спорт министрі Асхат Ораловты «Асыл әжелер» ансамблі  әнмен қарсы алды.

Шара барысында Асхат Раздықұлы тұрғындарды қуаныштарымен құттықтап, әже тәрбиесінде өскендігін айтып, ақжаулықты аналарды көргеніне қуанышты екендігін жеткізді. Мемлекет басшысының

тапсырмасымен мәдениет саласын дамыту мақсатында 7 жылдық нақты жоспар құрылып, тұжырымдама әзірленіп, Үкімет қаулысымен бекітілгендігін атап өтті. Жамбыл облысында 17 мәдениет нысанында жөндеу және 14 нысанды салу жұмыстары көзделіп отырғандығын жеткізді. Биылдың өзінде 14 мәдени нысанның құрылысы басталып, 9-ы облыс әкімінің қолдауымен жыл соңына дейін пайдалануға берілетіндігін,  ал 5-і келесі жылдың басында іске қосылатындығын айтты. Сондай-ақ, Жамбыл облысында 59 спорт нысандары республикалық және жергілікті бюджет есебінен ел игілігіне берілетіндігін жеткізді.

 

-Мәдениет - елдің рухани қазынасы, өнер-ұлттың жаны. Елімізде игілікті істер өркен жайып, мәдениет  нысандары көптеп салына берсін. Сіздерді айтулы қуаныштарыңызбен шын жүректен құттықтаймын.  Еліміз аман, жұртымыз тыныш болсын,-дей келе министр ауыл клубына музыкалық орталықты табыстады. Өз кезегінде ауыл тұрғыны, еңбек ардагері Мұхаметжан Садырқұлов ауыл клубы - тұрғындардың көптен күткен арманы орындалғанын, 1970  жылы осы ауылдан құрылған «Шахан» халық театры одақтас республикаларға өнер көрсеткенін айтып,   жаңа нысан - жастардың рухани азық алатын ордасы болатындығына сенім білдірді.

 


Бұдан соң клубтың ашылу лентасын ҚР мәдениет және спорт министрі Асхат Оралов, облыс әкімі Нұржан Нұржігітов, ауыл тұрғыны Мұхаметжан Садырқұлов қиған соң, шашу шашылды.
Қонақтар клуб ішіне кіріп, көрермен залын, кітапхана бөлмелерін аралап көрді. Мұнда ақжаулықты аналар қонақтарға бата беріп, олардың құрметіне  «Жамбылым» әнін шырқады.
Мұнан кейін министр Асхат Оралов  клуб ауласына шырша ағашын отырғызды.
Жаңадан пайдалануға берілген мәдениет ошағы  Тегістік, Сарыбарақ, Шахан ауылдарының 2100 тұрғынына қызмет жасайтын болады.

Өз тілшіміз.

Обновлено 04.06.2023 12:15
 

Халыққа жолдау

 

ЖАРНАМА

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін1729
mod_vvisit_counterКеше2503
mod_vvisit_counterОсы аптада8751
mod_vvisit_counterӨткен аптада14688
mod_vvisit_counterОсы айда40620
mod_vvisit_counterӨткен айда50539
mod_vvisit_counterБәрі2344386

Серіктестер