Аудан орталығындағы Саяси қуғын-сүргін және ашаршылық құрбандарына қойылған құлыптас маңында жиын өтті. Жиналғандар алдында аудан әкімінің орынбасары Талғат Жамалов сөз сөйлеп, халқымыздың тарихындағы қасіретті оқиғалардың бірі-ашаршылық пен қуғын-сүргін оқиғасының зардабына тоқталды. 1931-1933 жылдары болған ашаршылықта еліміз 4,5 млн. азаматынан айырылғандығын, ал 1937-38 жылдары небір көрнекті ұлт тұлғалары «халық жауы» атанып, жазықсыз өлім жазасына
кесілгендігін, осы жылдары елімізге 1,5 млн. өзге этнос өкілдері еріксіз қоныстанғандығын жеткізді. Жас ұрпақтың борышы-елінің бірлігі мен болашағы үшін күрескен қайсар бабаларды ешқашан ұмытпауымыз қажеттігін баса айтты. Аудандық ардагерлер кеңесінің төрағасы Серік Ермеков еліміздің жарқын болашағы, жеріміздің бүтіндігі үшін күрескен ардақты азаматтардың есімін қастерлеп, еңбегін құрметтеу, тарих ақтаңдақтарын ұмытпай, өткеннен сабақ алу қажеттігіне басымдық берді. Еске алу іс-шарасына қатысушылар Саяси қуғын-сүргін және ашаршылық құрбандарын бір минут үнсіздікпен еске алып, құлыптасқа гүл шоқтарын қойып, тағзым етті.
Өз тілшіміз. |
Обновлено 04.06.2023 12:01 |