Аудан әкімдігі жанындағы Мемлекеттік рәміздер жөніндегі комиссия отырысы өтті. Аталған комиссияның төрағасы, аудан әкімінің орынбасары Талғат Жамалов отырысты ашып, жүргізіп отырды.
Отырыста «Байзақ ауданы бойынша Мемлекеттік рәміздердің заң талаптарына сай орналастырылуы және пайдаланудың жайы туралы» аудан әкімдігі ішкі саясат бөлімінің басшысы Салтанат Иманова баяндама жасады. Одан соң Түймекент және Суханбаев ауылдық округтері әкімдерінің міндетін уақытша атқарушы Жомарт Әліқұлов пен Ардақ Әбдіманов, аудандық орталық аурухана бас дәрігерінің орынбасары Мырзағали Мәдімаров ретімен сөз алып. Мемлекеттік рәміздерді пайдалану, қолдану және насихаттау жөнінде атқарылып жатқан жұмыстары туралы ақпарат берді.
Сондай-ақ,  ҚР Үкіметі айқындаған тәртіппен рәміздердің ауыстырылуы  және жойылуы туралы қосымша ақпарат берілді.
Жиын соңында күн тәртібіндегі мәселеге қатысты қаулы қабылданды.

Өз тілшіміз.