Ауданымызға қарасты Жамбыл, Гоголь, Н.Киікбаев, Ғ.Мұратбаев, Сарыкемер мектеп гимназиясында және №4 мектеп-лицейінде өткен шараға аудандық ақпараттық-түсіндіру тобының мүшелері: аудан әкімдігі ішкі саясат бөлімі “Жастар ресурстық орталығы” Дін істері бөлімінің басшысы Алмас Құлымбетов, аталған бөлімнің Жастармен жұмыс жөніндегі маман теолог  Сәуле Арғынбаева, облыс әкімдігі білім басқармасының Байзақ аудандық білім бөлімінің әдіскері Зәуре  Сатылғанова қатысты.
Шара барысында  мектеп  оқушыларының діни сауаттылығын арттыру, теріс діни ағымдардың жетегінде кетуден сақтандыру, діни тағаттылықты арттыру, конфессияаралық достықты сақтау, ұлттық рухани құндылықтарды дәріптеу, сондай-ақ,  деструктивті діни ағымдардың зияны жөнінде кеңінен ақпарат берілді.
Мұнымен қатар жастарға дінге қызығушылықта ақпарат көздерін дұрыс таңдауға көңіл бөлу керектігі де баса айтылды. Бұдан бөлек топ мүшелері бүгінгі таңда жас ұрпақтың тәрбиесіне баса көңіл бөлудің маңыздылығын айтып, олардың тура жол таңдауда жаңылыспауына ықпал ету керектігін жеткізді.
Іс-шара барысында дәстүрлі дін туралы видеороликтер көрсетіліп,  жастар тарапынан айтылған ұсыныстар мен пікірлер назарға алынды. Өз кезегінде мектеп оқушылары мамандардан өздерін толғандырған сұрақтарына жауап алып, пікір алмасты.  
Сонымен қатар  аудан әкімдігінің мәжіліс залында аудандық ақпараттық-түсіндіру және мобильдік топ мүшелерімен семинар өтті.

Гүлшахар ӘБДІҚҰЛОВА,
ақпараттық-түсіндіру тобының мүшесі.