Өткен аптада аудан әкімдігінің мәжіліс залында аудандық мәслихаттың кезектен тыс II сессиясы мәслихат төрағасы Бақтияр Ақбаевтың төрағалығымен өтті. Сессияға 17 депутаттың 14, аудан әкімдігі бөлімдерінің басшылары қатысты. Сессияда аудан әкімдігінің экономика және бюджеттік жоспарлау бөлімінің басшысы Дулат Жақыпбеков «2023-2025 жылдарға арналған аудандық бюджет туралы» Байзақ аудандық мәслихатының 2022 жылғы 26 желтоқсандағы
№37-2 шешіміне өзгерістер енгізу туралы» баяндады. Депутаттар тарапынан Сарыкемер ауылы ішіндегі үлкен жолдардан өткел орнату, көше бойынан жаяу жүргіншілер жолын салу, аудан мектептерінің қазандықтарына ағымдағы, күрделі жөндеу жұмыстарын жүргізу туралы ұсыныстар айтылып, қабылданды. Сессияда аудандық мәслихаттың кейбір шешімдеріне өзгерістер енгізіліп, кейбір шешімдердің күші жойылды. Сондай-ақ туристік жарна мөлшері бекітіліп, бірнеше комиссияның құрамына өзгерістер енгізілді.
Өз тілшіміз. |