Бейсенбі күні аудандық әкімдіктің мәжілістер залында аудан әкімі Мұратхан Жүнісәліұлы Шүкеев Құрылысшылар мерекесіне орай бір топ құрыш қолды кәсіп иелерін мерекемен құттықтады.

Аудан басшысы аймақтағы жетекші сала мамандарының мемлекеттік бағдарламаларды жүзеге асырудағы жемісті жұмысына тоқтала келе, қадірлі кәсіптің бірі-құрылысшы  мамандығы екендігін, олардың еңбек іздері мыңдаған тұрғын үйлер мен түрлі қызмет көрсету ғимараттарында, мектептер мен балабақша, lденсаулық сақтау салаларында, мыңдаған шақырым жолдар мен су құбырларында  сайрап жатқандығын айта келе мәртебелі мамандық иелерін мерекелерімен құттықтап, еңбектеріне табыс тіледі.
Аудан әкімінің орынбасары Ә. Қилыбаев  аудан аумағындағы құрылыс саласында атқарылған жұмыстар туралы қысқаша мағлұмат берді.
Аудан басшысы Мұратхан Жүнісәліұлы  құрылыс саласында жақсы көрсеткіштерге қол жеткізіп, аянбай еңбек еткен бір топ құрылысшыларды аудан әкімінің Грамотасымен, Алғыс хатымен,  сондай-ақ  “Нұр Отан” ХДП аудандық филиалының Грамотасымен марапаттады.

Өз тілшіміз.