Партияның саяси Доктринасында отбасы қоғамымыздың құндылықтарын сақтаудың маңызды институты деп айтылған. Отбасында ұрпақтар сабақтастығы, аға буынға деген құрмет, балаларға қамқорлық, өзара қолдап-демеу дәстүрлері, еңбексүйгіштік және білімге деген құштарлық қалыптасады.

Мемлекеттік және салалық бағдарламалардың тиімділігіне мониторинг жүргізу, балалар үйлерінің тәрбиеленушілер мен түлектерін, сондай-ақ кәмелетке толмаған балалары бар аз қамсыздандырылған және жайсыз отбасыларын әлеуметтік бейімдеу және практикалық көмек көрсету жұмыстарына жұртшылықты тарту мақсатын көздеген жоба партия аудандық филиалы тарапынан ұдайы бақылануда.
Отбасын нығайту және дәстүрлерді сақтау мемлекеттігіміздің дамуының басты жағдайларының бірі болып табылады. Осы аптада "Нұр Отан" партиясы аудандық филиалының ұйытқы болуымен "Бақытты балалық шақ" жобасы аясында жайсыз отбасылар үйлеріне рейд жүргізілді.
Партия аудандық филиалының консультанты Б.Төребекова, Байзақ аудандық прокурорының аға көмекшісі С.Айтжанов, Байзақ аудандық ІІБ ЖПҚ ЮПТ УПИ, полиция аға лейтенанты М.Қожағұловтардың қатысуымен өткізілген рейд барысында Сарыкемер ауылының тұрғыны Б.Тәжімбетов өзінің ешқандай жұмысқа жарамсыз екендігін айта келе, мүгедектікке шығуына ықпал жасауын өтінсе, Н.Нуриев қазіргі таңда тұрмыс жағдайына байланысты әлеуметтік көмек көрсетуін сұранды.
Сонымен қатар, топ мүшелері аталмыш шарада аудандағы жайсыз отбасылардың үйлерін аралап, тұрмыстық жағдайларына байланысты қойылған сұрақтарына жауаптар берді.

М.МАНЕКЕЕВ.
Өз тілшіміз.