К.Ақназаров,
ардагер ұстаз. Түймекент ауылы.

Бірлігім мен ынтымағым күшінде,
Береке мен табысым мол ісімде.
Жүз отыз ұлт бірге жасап келеді,
Тату-тәтті бір шаңырақ ішінде

Жүрмейді ол бірін-бірі жатырқап,
Жаңалыққа көз тігеді таңырқап.
Қазақстанның өсіп-өну жолында,
Өз үлесін қосып жатыр сан ұрпақ.

Алға қойған мақсатымыз бір біздің,
Жақсылардың сөзіне ой түргіздің.
Татулықтың арқасында бүгінде,
Қол ұстасып бізді бірге жүргіздің.

Азаматқа сенімді мол артыңдар,
Өшпейтұғын өнегелі салтым бар.
Дұшпандардың сөздеріне ермейтін,
Елім дейтін, жерім дейтін халқым бар.

Қуанышқа кенеліп ел жүр бүгін,
Жасап жатыр алға қойған тірлігін.
Ұлт пен ұлтқа бөлінбестен бір болып,
Сақтайықшы елдің мәңгі бірлігін.