Күнтуған Ақназаров,
Түймекент ауылының тұрғыны.

Шыршаны жүр бала біткен айналып,
Көңілдері қалғандай бір жайланып.
Барлығы да киім киген сайланып,
Тұрғандай-ақ Аяз ата, Ақшақарға байланып.

Отшашулар жатыр әні жарқылдап,
Бір-біріне сөз қатады аңқылдап.
Бірін сөзі бірі жатыр мақұлдап,
Қаһар төгіп тұр аязда сақылдап.

Тыныш болсын, бұзылмасын ұйқыңда,
Әнді шырқап, биді билеп, күй тыңда.
Түрлі бөлек бүгін берер сыйында,
Біліміңді бұдан әрі түй, шыңда.

Тыныштықта тату өмір сүреміз,
Нұрлы жолдың сара жолын білеміз.
Күнім жарқын, бақытты өмір сүреміз,
Жаңа жылда тек жақсылық тілеңіз.

Алға бассын ойға алған талабың,
Еске сақта сөзін әркез дананың.
Қой жылында қой үстіне бозторғай,
Жұмыртқалар болсын, халқым заманың.