Ж. Айтқұлов, аудан әкімдігінің жұмыспен қамту және әлеуметтік бағдарламалар бөлімі басшысының орынбасары.
Елбасының «Қазақстан - 2050» Стратегиясы» атты Жолдауында жұмыссыздарға әлеуметтік қолдау көрсету бағытының аясында жұмыссыздарды оқыту және қайта даярлау бағдарламасын әзірлеу маңызды шара ретінде айқындалған. 2014 жылдың 1-ші қаңтарына есепте тұрған жұмыссыздар саны – 119 адам. Жыл басынан жұмыс іздеуші ретінде уәкілетті органға – 824 адам тіркелінді. Оның ішіндегі
88 адам «Жұмыспен қамту-2020» бағдарламасының бірінші және екінші бағыттарына қатысушылар ретінде тіркелінді. 736 адамның 579–і жұмыспен қамтылып, жұмыспен қамту үлесі 78,6 пайызды құрады. Аудан мекемелерінде ашылған жаңа және бос жұмыс орындарына 419 адам, Жастар практикасына 104 адам, әлеуметтік жұмыс орнына 56 адам жұмысқа орналастырылды. Аумақтық даму бағдарламасы бойынша 2014 жылға жоспарланған 92 жаңа жұмыс орындарының орындалуы 60,8 пайызды құрап, 56 жаңа жұмыс орындары ашылды. Негізінен бұл жұмыс орындары білім беру, денсаулық сақтау саласында 40 орын, экономиканың басқа салаларында 16 орын ашылған. Қоғамдық жұмысқа 210 адамды қамту жоспарланса, 234 адам қамтылды. Жоспар 111,4 пайызға орындалды. Сонымен қатар, аудан бойынша 4425 жұмыссыз адамдар маусымдық жұмыстарға тартылды. Жұмыспен қамту шараларына жергілікті бюджеттен ағымдағы жылға бөлінген 60101,0 мың теңгенің 9 айдағы жоспары 37035,0 мың теңге болса, 9 айдағы орындалуы 37035,0 мың теңге болып, 100 пайызға игерілді. Атап айтқанда, Жастар практикасына бюджеттен бөлінген 16685,0 мың теңгенің 9 айдағы жоспары 8786,0 мың теңге. 100 пайызға игерілді. Қоғамдық жұмыстарды ұйымдастыруға бюджеттен бөлінген 38880,0 мың теңгенің 9 айлық жоспары 25847,0 мың теңге, игерілгені 25847,0 мың теңге. Әлеуметтік жұмыс орнына бюджеттен бөлінген 4200,0 мың теңгенің 9 айлық жоспар 2402,0 мың теңге болып, 100 пайызға игерілді. |