Өткен аптада аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысы өтті. Аудан әкімінің орынбасары, комиссия төрағасы С.Кенжебаевтың төрағалығымен өткен жиында “Байзақ ауданы әкімдігі білім бөлімімен жүргізілген кәмелетке толмағандар арасындағы
құқық бұзушылықтың алдын алу” жұмыстары бойынша осы бөлімнің әдіскері И. Спаналиева мен Байзақ аудандық ішкі істер бөлімінің ювеналдық полиция тобының кәмелетке толмағандар арасындағы құқық бұзушылықтың алдын алу жұмыстары жөнінде полиция капитаны Қ. Асабаевтың баяндамасы тыңдалды.Қос баяндамашы кәмелетке толмағандар арасындағы құқық бұзушылықтың алдын алу бағытында атқарылған жұмыстарға тоқталды, алдағы қолға алынатын істерді сөз етті. Отырыста комиссия төрағасы С. Кенжебаев сөз сөйлеп, мектеп оқушыларының бос уақытын тиімді ұйымдастыру, алдағы уақытта кәмелетке толмағандардың арасында құқық бұзушылықтың алдын алу жұмысында жаңа әдістер қолдану, жасөспірімдермен жұмысты жандандыра түсу және ортақ мәселелерді бірлесіп шешу қажеттігін баса айтты.
Өз тілшіміз. |