Қасқырбай Нарбатыр
Қордайдан бастап Мойынқұм, Меркі, Құланым, Шу бойы көркем көрсетіп нуын, құнарын. Байзағым баппен ағытқан ырыс бұлағын, Жамбылдың жері, жаңбырлы көгі жыр-әнім, Айналдым сенен, аяулы мекен тұрағым!
Ғасырдың жалғап көнесі және жаңасын, Баянды етіп биіктен алған бағасын, Ерке Таластың, еміне жайлап жағасын, Бірі мен бірі адамы тапқан жарасым, Таразым тұрған тарихы терең қала шын.
Билер де өткен кезінде аузы дуалы, Ақындар өткен жанының жайнап шуағы Батырлар өткен халқына қалқан, қырағы. Ауданым Жамбыл, бау-бағы дәнді Жуалы, Жамбылдың жері, шынында жердің жұмағы.
Таласым түгел, Сарысу жері түрленіп, Қай кезде де көрмеген тегі сыр беріп, Аймағым өсті, тауларым сесті ірге нық Уақыттан қалмай бәріне тұтас үлгеріп, Жамбылдың елі 75 жасқа тұр келіп! |