М.Шалғынбай,
“Ауыл жаңалығы”.

Ұлы Отан соғысының ардагерлерін ардақтап, құрметтеу-бүгінгі ұрпақтың  парызы болып саналады. Кеше  «Нұр Отан» партиясы Байзақ  аудандық филиалының ұйымдастыруымен «Ардагерлерді ардақтайық» партиялық жобасы аясында соғыс ардагері Мәдібек Мақұлбековпен кездесу өткізілді. Онда “Нұр Отан” партиясы  аудандық филиалы төрағасының бірінші орынбасары Н.Тілепов соғыс ардагерінің өткен өмірі жастарға өнеге екендігін айта келе, партия атынан сый-сияпат тарту етті. Кездесу барысында Түймекент ауылдық округінің әкімі Б.Алсейтов, ауылдық  ардагерлер алқасының төрағасы Л.Қалабаев, ауыл қариялары және С.Сейфуллин атындағы орта мектептің директоры Е.Әбілдаевтар ардагерлерді ұлықтаудың бүгінгі таңда маңыздылығын әңгімеледі. Аудандық партия филиалы жанындағы «Жас Отан» жастар қанатының атқарушы хатшысы Ә.Мырзабеков бастаған жасотандықтар  ардагер үйінің ауласын тазалап, бірқатар жұмыстарға қолғабыс жасады.
Өз кезегінде соғыс ардагері өзін құрметтеген  азаматтар мен жасотандықтарға алғысын айтып, аталық ақ батасын берді.