Биыл Қазақстан Республикасының жергілікті өкілді  органы – мәслихаттардың құрылғанына – 20 жыл толды.  Осы айтулы  мерекеге орай аудандық әкімдіктің мәжілістер залында  өткен жиында аудан әкімі Мұратхан Жүнісәліұлы Шүкеев халық қалаулыларын  Қазақстан мәслихаттарының 20 жылдық мерекесімен құттықтады. Аудандық мәслихаттың  хатшысы Нұрғали Көбейұлы Үкібаев мәслихат-жергілікті өкілді  орган екендігін, оның өткен тарихына тоқталды, еңбегімен дараланған халық қалаулыларының еңбегін атап өтті.
Жиында  аудандық мәслихаттың бесінші шақырылымның 15 депутатына “Қазақстан мәслихаттарына 20 жыл” мерекелік медалін аудан әкімі М.Шүкеев пен аудандық мәслихаттың хатшысы Н.Үкібаев табыс етті.

Өз тілшіміз.