Мүмкіндігі шектеулі жандарға жақсылық жасау шарасы Көктал елдімекенінде де өткен болатын. Байзақ ауданы әкімдігінің жұмыспен қамту және әлеуметтік бағдарламалар бөлімінің әлеуметтік қызметкері Ш.Елшібекова бастаған

Көктал орта мектебінің әлеуметтік педагогы Ә.Сейтжапарова, Көктал ауылдық «Жастар орталығының» ұйымдастырушысы Ж.Бестерекова және мектеп тәлімгері М.Көбековалар Сейтқұл Ернұр мен Натей Даниялдың үйінде болып, жай-жағдайларымен танысты. Өздерінің игі тілектерін білдірген қонақтар қос балаға Көктал орта мектебінің ұжымы, ауылдық әкімшілік пен жастар қауымы атынан жылы киім-кешек тарту етті.
Ал, қазыналы қариялар күніне орай аталмыш ауылда тұратын жалғызбасты қарт Ө.Бекмамбетов, тыл ардагері А.Чернованың үйінде болған Көктал ауылдық округі әкімшілігінің бас маманы Ж.Мамытбаев, мектеп тәлімгері М.Көбекова оларды мерейлі мерекемен құттықтап, дендеріне саулық тіледі. Құр қол келмей сый-смяпатын ұсынды. Өз кезегінде ақсақалдар елеп-ескерген азаматтарға алғыстарын білдіріп, ақ баталарын берді.

Өз тілшіміз.