Аудан аумағында шомылу маусымында судағы қауіпсіздікті қамтамасыз ету бағытындағы іс-шаралар тұрақты бақылауда жүргізілуде. Қазіргі уақытта аудан аумағында тұрғындарға қызмет көрсететін 5 демалыс орны белгіленген.
Атап айтқанда “Достар”, “Айзақ”, “Қарлығаш”, “Форель” балық шаруашылығы және “Манго” демалыс орындары. Аталған нысандарда балаларға арналған таяз бассейндер орнатылып, құтқару қызметі мен медициналық пункттердің жұмысы ұйымдастырылған. Осыған орай, аудан әкімінің орынбасары Қуаныш Бүркітәлиев арнайы құрылған жұмысшы топ мүшелерімен бірлесе отырып, аталған демалыс орындарына зерделеу жұмыстарын жүргізді.
Зерделеу барысында демалыс орындарындағы қауіпсіздік талаптарының сақталуы, бассейндердің санитарлық жағдайы және келушілерге арналған қауіпсіздік ережелерінің орналастырылуы назарға алынды.
Сонымен қатар, демалыс орындары иелеріне судағы қауіпсіздікті қамтамасыз ету, келушілер арасында түсіндіру жұмыстарын күшейту және төтенше жағдайлардың алдын алу бойынша нақты тапсырмалар берілді.

Байзақ аудандық Төтенше жағдайлар бөлімі.