Отбасы – тұрмыстық қатынастар саласында тұрмыстық зорлық-зомбылықтың алдын алу және жолын кесу, қоғамда отбасының рөлін нығайту мақсатында облыс және Байзақ ауданы аумағында 18 мамыр  - 8 маусым  аралығында  «Отбасында зорлық-зомбылықсыз  Қазақстан» атты  республикалық  акциясы өтуде.
Аталған іс-шараның негізгі мақсаты–отбасылық тұрмыстық зорлық-зомбылыққа мүлдем төзбеушілікті қалыптастыру, сондай-ақ қоғамның назарын отбасылық - тұрмыстық зорлық-зомбылық проблемасына аудару, сыйластық қағидаттарын насихаттау,  отбасылық зорлық-зомбылықтың куәгер-балаларын қорғауға және қолдауға ерекше назар аударылады.
Зорлық-зомбылыққа азаматтардың құқын бұзатын бір адамның екінші адамға тәндік немесе психикалық ықпал етуі жатады. Тұрмыстық зорлық-зомбылық дегеніміз-отбасы тұрмыстық қатынастар аясында бір адамның басқа адамға қатысты дене зардабын және психикалық зардап келтіретін немесе келтіру қаупі бар құқыққа қарсы қасақана әрекеті.
Егер Сіз отбасындағы зорлық – зомбылыққа тап болсаңыз немесе оның куәсі болған жағдайда, тез арада  полиция  органына хабарласыңыз.
Байланыс телефоны: тәулік бойы «102» немесе жедел желі 111, 150 сенім телефондары.

Байзақ АПБ ҚҚб отбасылық-тұрмыстық зорлық-зомбылыққа қарсы күрес тобы.