Жаһандану үрдісі жүріп жатқан кезеңде оқушылардың  қазақ халқының салт-дәстүрлері жайлы білімдерін жинақтау, білетін және үйренген ақпараттарын өмірде қолдана білу, салт-дәстүрді  құрметтеп, қадірлей білуге, мейірімділікке тәрбиелеудің маңызы зор. Осы мақсатта Жамбыл облысы әкімдігі білім басқармасы Байзақ ауданы білім бөлімінің ұйымдастыруымен Өнер мектебі базасында «Салт-дәстүр білгірі»  тақырыбында аудандық байқау өтті.
Оған ауданымыздың қосымша білім беру мекемелерінен үміткерлер қатысып, 4 кезең бойынша сынға түсті. Байқаудың қорытындысында ІІІ орынды Амина Бейсеналы (жетекшісі Нурсая Альжанова), ІІ орынды Назым Талғат (жетекшісі Құралай Жолдасбекова), І орынды Айтжан Осман (жетекшісі Айсана Өмірзақ) иеленді. Өнер мектебінің 7 жасар қатысушысы Әмина Нұрлан (жетекшісі Саламат Молдабаев) бас жүлдені жеңіп алып, облыстық байқауға жолдама алды.
Байқауды аудандық білім бөлімінің әдіскері Зәуреш Сатылғанова  қорытындылап, жүлдегер оқушыларды марапаттады. Облыстық байқауда ауданымыздың намысын қорғайтын оқушыға сәттілік тіледі.

Ерболат ТАУАСАРОВ,
облыс әкімдігі білім басқармасы Байзақ ауданы білім бөлімінің “Өнер мектебі” МКҚК директордың тәрбие ісі жөніндегі орынбасары.