Моншалар мен сауналар – демалуға және сауықтыруға арналған кешен. Монша рәсімдерінің өзіндік дәстүрлері мен әдеттері бар, ыстық ауа мен судың үйлесімі емдік процедура болып табылады.
Монша мен сауналарда санитариялық-гигиеналық талаптар сақталмаса, денсаулығыңызға қауіпті қышыма, дерматомикоз, педикулез сияқты тері ауруларын жұқтыру қаупі бар екенін есте ұстаған жөн.
Осыған байланысты Сіздерді монша мен сауналарға қойылатын кейбір санитариялық-эпидемиологиялық талаптармен таныстырғымыз келеді. Мысалы:
• бу қабылдау бөлмелерінде ауа температурасын бақылау үшін термометр қарастырылады;
• киім ауыстыратын бөлмелер мен себезгі бөлмелерінде ағаш траптар пайдаланылмайды, резеңке төсеніштер болуы керек;
• бөлмелерде жуу және дезинфекциялық заттарға төзімді материалдардан жасалған жиһаздар орнатылады;
• легендерді өңдеу үшін дезинфекциялау ерітінділері бар сыйымдылықтар, тазартатын заттар, щеткалар мен шүберектер болуы керек;
•бу бөлмелерін қоспағанда, бөлмелерде қоқыс жәшіктері орнатылады.
Сонымен қатар, монша процедураларын дұрыс қабылдап,  денсаулыққа  пайдалы әрі қауіпсіз демалыс ұйымдастыру үшін келесі қарапайым ережелерді сақтауды ұсынамыз:
• суық тиіп ауырып қалған жағдайда ем қабылдап болғанға дейін моншаға түспеңіз;
• бу қабылдау бөлмесіне кірмес бұрын жуынып алыңыз;
• жеке бас гигиенасын және бу қабылдау бөлмесіне кіру арасындағы үзілісті сақтаңыз;
• егер Сізде қан қысымы жоғары болса, қатерлі ісік немесе жүрек-қантамырлары аурулары болса, онда бу қабылдау бөлмесінен бас тартуыңыз немесе жалпы моншаға бармауыңыз керек,
• моншаға түсіп болғаннан кейін демалып алған жөн.

Рита Алтынбасова,
аудандық  санитариялық-эпидемиологиялық  бақылау басқармасының басшысы.