А.Дәулетбаева,
Сарыкемер ауылының тұрғыны.

Мен еңбек ардагерімін,  зейнеткерлік демалыстамын. Әлдеқалай себептермен аяқ астынан бір адамның арбауына

түсіп қалсам болар ма. Әлгі кісі балаларыма үй алып берсем деп отырған қаржымның бір бөлігін қарызға алып, әне-міне деп сөзбалап қайтармай қойды. Ақыры сотқа жүгінуге тура келді. Ақшаны қайтару туралы сот шешімі орындаушының қолына тапсырылды. «Беремін деп» оны да алдап жүріп алды. Осы кезде үй жалдап, алты жыл баспанасыз жүрген балаларымның қиналғанын көрсеңіз ғой. Бір ақыл берер деп «Нұр Отан» ХДП аудандық филиалына бардым. Аудандық партия филиалы төрағасының бірінші орынбасары Н.Тлепов жылы қабылдап, ақыл-кеңес беріп, жөн сілтеді. Бұл іске облыстық және аудандық прокуратура қызметкерлері де араласты.  Бүгінде бұл мәселе толық шешімін тапты. Балаларым баспаналы болып, көңіліміз жай тапты. Осындайда  ақыл-кеңесін, тікелей қол ұшын берген «Нұр Отан» ХДП аудандық филиалының және аудандық сот, прокуратура қызметкерлеріне аналық алғысымды айтқым келеді. Дендерің сау, әрқашан еңбектерің жемісті бола берсін  деймін.