Бала - біздің болашағымыз. Бірақ біз көп жағдайда оларды өміріне қауіпті жағдайлардан сақтандыруды алдын ала ойламаймыз. Ауданымыздағы өрт санының кемімей отырғандығына балалардың отпен ойнауы да әсер етуде. Нәтижесінде мемлекет пен жеке азаматтардың мүлкіне айтарлықтай зиян келуде. Тіпті көп жағдайда “ойнаушының” өзі де жапа шегіп жатады.
Құрметті ата-аналар мен ата-әжелер! Біз сіздерге балаларыңыз бен немерелеріңізге аса мұқият болыңыздар деп үндеу тастаймыз. Ешқашан балаларды пәтерде немесе бөлмеде жалғыз қамап кетпеңіздер.  Олардың отпен ойнауына үзілді-кесілді тыйым салыңыздар. Балаларға пештерді, примус, керосин шамдарын жағу сияқты жұмыстарды тапсырмаңыздар. Сіріңкемен ойнауын және құрылыстардың жанында алау жақпауын қатаң қадағалаңыздар. Сіріңкелерді баланың қолы жетпейтін жерге қойыңыздар. Үйдегі шатыр асты бөлме мен жертөлені ашық тастамаңыздар. Әр отбасы өрт қауіпсіздігі ережелерін сақтау арқылы балалардың өмірі мен денсаулығын сақтай алады.

Ержан Әбдірәймов,
аудандық Төтенше жағдайлар бөлімінің аға инженері.