Өткен аптада аудан әкімі Олжас Баққараев «Amanat» партиясының аудандық филиалы ғимаратында азаматтарды қабылдап, олардың мәселелерін тыңдады.
Қабылдауға “Amanat” партиясы аудандық филиалының төрағасы Индира  Спаналиева, аудан әкімдігіне қарасты бөлім басшылары, ауылдық округтің мамандары қатысты.
Негізінен тұрғындар “Дипломмен - ауылға” бағдарламасы бойынша көтерме жәрдемақы алу, кәсіпкерлік өндірісте субсидия (пайыз төмендетуге) ықпал ету, ауылға демалыс орнын салуға байланысты жер пайдалану мерзімін ұзарту, жоғалтып алған “Күміс алқа” кітапшасын қалпына келтіруге көмек, жерді пайдалану бойынша комиссия шешіміне келіспеушілік, тағы басқа мәселелерді көтерді.
Қабылдау барысында айтылған барлық өтініш иелеріне заң аясында жауаптар берілді.

Айдар Алдабергенов,
“Ауыл жаңалығы”.