Өткен сәрсенбі күні жұмыс сапарымен ауданымызға келген Жамбыл облысының прокуроры Берік Әбілов  аудан әкімі Олжас Баққараев, аудан прокуроры  Ақберен Мүлкемановтармен  бірге Көктал ауылында орналасқан «Алель Агро» акционерлік қоғамы Жамбыл филиалының құс фабрикасының жұмысымен танысты.
Облыс прокурорына филиал басшысы мұндағы жұмыс барысы мен жаңадан салынып жатқан құрылыс нысандары жөнінде ақпарат берді.
Қазіргі таңда Көктал ауылында фабриканың 24 құсханасы салынып бітсе, жаңадан 8 құсхана бой көтеріп жатыр. Оның әрбірі 50 мың дана құсқа арналған. 1 құсхананың аумағы 2160 шаршы метрді құрайды. Әр нысанға жылыту генераторы орнатылып, заманауи үлгіге сәйкес бой көтеруде.  Аталған құрылыстар толықтай аяқталған кезде бұл жерде бірнеше жұмыс орындары ашылатын болады. Сондай-ақ еңбек өнімділігі де артып, құс өсіру жұмыстары жанданады.
Аталған  жұмыстармен жан-жақты танысып шыққаннан соң облыс прокуроры Берік Рахатұлы мұндағы атқарылып жатқан жұмыстарға оң бағасын берді.

Өз тілшіміз.
Көктал ауылы.