Мемлекет басшысы 2025 жылы Қазақстан халқын 100 пайыз таза ауыз сумен қамтуды тапсырғаны белгілі. Президент тапсырмасын іске асыру жұмыстары аудан аумағында жүйелі жүруде. Аудандағы 40 елді мекеннің 38-інде орталықтандырылған ауыз су жүйесі бар болса, олар арқылы жергілікті халықтың 96 пайызы орталықтандырылған ауыз сумен қамтылып отыр.
Қазіргі таңда, Сазтерек ауылдық округінің Жаңасаз, Жалғызтөбе ауылдық округінің Төрткөл және Сарыкемер ауылдық округінің Қосақ-2 елді мекендерінде ауыз су жүйесінің құрылыстары жүргізілуде.
Жұмыс барысында аудан әкімі  Олжас Баққараев аталған елді мекендерді аралап, ондағы ауыз су имараттары мен су жүйелері құрылыстарын зерделеді. Мердігерлермен кездесіп, жұмыстың сапасы мен орындалу мерзіміне жіті көңіл бөлуді ескертті.
Айта кетейік, аталған жобалар толық аяқталған жағдайда аудан бойынша халықты ауыз сумен қамтылу көрсеткіші 100 пайызға жететін болады.

Ақпараттық медиа орталығы.