Республикалық Қызыл Ай қоғамы Жамбыл облыстық бөлімшесі жылда Рамазан айында қайырымдылық жасауды дәстүрге айналдырған. Биыл да Байзақ ауданына арнайы келіп, айлардың сұлтаны –қасиетті  Рамазанмен құттықтаған аталмыш қоғамның облыстық бөлімшесінің басшысы О.Тастемірова бірқанша тұрмысы төмен отбасыларына азық-түлік салынған дорбашаларды таратып берді. Бұл шараның өткізілуіне Біріккен Араб Әмірлігінің Қызыл Ай қоғамы ұйытқы болған екен.
Сарыкемер ауылдық округі әкімшілігінің ғимаратында өткен игілікті іс-шарада сөз сөйлеген аудан әкімінің орынбасары С.Кенжебаев өз кезегінде қайырымдының қолы алтын екенінін ауызға алып, қасиетті айда көмек көрсете келген Қызыл Ай қоғамының ұжымына алғысын білдірді. Өз ризашылықтарын сонымен қатар, қолдауға ие болған жанұялар да білдірісті.

Өз тілшіміз.