Аудан әкімі Олжас Баққараев “Халық үніне құлақ асатын мемлекет” тұжырымдамасы аясында азаматтарды жеке қабылдады.
Қабылдауға алғашқы болып кірген Түймекент ауылының тұрғыны Гүлжан Тулегенова өзінің жоғары оқу орнын бітіргендігін, “Мәдени тынығу жұмысы” мамандығымен Түймекент ауылындағы мәдениет үйіне тұрақты жұмысқа орналасуға көмек беруін сұранды.Тараз қаласының тұрғыны Бахытжан Оспанов аудан аумағынан туристік кластер құру жөнінде ұсынысын айтты.
Аудан әкімі Олжас Елебекұлы жұмыспен қамту мәселесіне қатысты болашақта штат бірліктері ашылған жағдайда, мәселе  назарда болатындығын, ал туристік кластерге қатысты алдымен бизнес-жоспар әзірлену керектігін жеткізді.
Көтерілген әрбір мәселе бақылауға алынып, хаттамаға енгізілді.

“Ауыл жаңалығы”- ақпарат.