Аптаның басында Қазақстан Республикасы Парламенті Сенатының депутаттары Бекболат Орынбеков пен Сәкен Арубаев іссапармен ауданымызда болды.
Сенаторлар Үлгілі орта мектебі қазандығының жылыту маусымына дайындығымен танысты.Сондай-ақ  іссапар барысында Сарыкемер ауылындағы құрылысы аяқталған 40 пәтер мен ветеринариялық пункт, «Дихан» тірек мектебіне жүргізіліп жатқан күрделі жөндеу жұмыстарын көрді.
Әрмен қарай Халық қаулылары Мырзатай ауылындағы пайдалануға берілген 120 орындық мәдениет үйі, Төрткөл елді мекеніндегі су құбыры желілері мен су қабылдау имаратының құрылысымен танысып, өздерінің ұсыныс-пікірлерімен бөлісті. Жаңа нысандар жергілікті тұрғындардың өмір сүру сапасы мен қызметтердің қолжетімділігін жақсартуда шешуші рөл атқаратынына тоқталды.
Халық қалаулыларының  ауданды аралаған сапары кезінде онымен бірге аудан әкімі Олжас Баққараев, аудандық мәслихаттың төрағасы Бақтияр Ақбаев болды.

«Ауыл жаңалығы» - ақпарат.