Халықтың әлеуметтік тұрмыстық жағдайын, әл-ауқатын жақсарту мақсатында жалпы мемлекеттік статистикалық байқаулар жасалады. Сондай байқаулардың бірі
– үй шаруашылығын зерттеу сауалнамалары. Зерттеуге қатысушы ретінде сіздің отбасыңыз мүлде кездейсоқ таңдап алынады. Өйткені үй шаруашылықтары көше аттары және үй нөмірлерімен барлық ғимараттар енгізілген тізілімнен математикалық кездейсоқ әдіспен таңдалып алынады. Сіз қатысқан зерттеу нәтижелері халықтың әлеуметтік әлсіз топтарын қорғау және халық тұрмысын жақсарту бойынша шараларды қоса алғанда елдің әлеуметтік – экономикалық саясатын жасауға негіз болады. Аудан бойынша үй шаруашылығын зерттеуге 60 отбасы іріктеліп алынған еді. Атап айтқанда, Бурыл ауылдық округіне қарасты Бурыл ауылында 20 отбасы, Құмжота ауылында 10 отбасы, Түймекент ауылдық округінде 30 отбасы сауалнама жүргізу әдісімен зерттелді. Д-003 сауалнамасы отбасының күн сайынғы шығыстарының есебін жүргізсе. Д-005 сауалнамасы жанұялық тоқсан сайынғы шығыстары мен табыстарының есебін зерттейді. Зерттеу нәтижелерінің сенімділігі сіздің толықтай берген жауаптарыңызға байланысты. Осы зерттеуге қатысып, қолғабыс бергені үшін әр жанұяға тоқсан сайын 1852 теңге төленеді. Сондықтан осындай сауалнамаға асқан жауапкершілікпен қарап, өзіңіздің үлесіңізді қосу-азаматтық парызыңыз болып саналатындығын ұмытпаңыз,
Байзақ аудандық статистика басқармасы. |