Аудан әкімі Олжас Баққараев  белгілі жазушы, драматург, публицист, Халықаралық «Алаш» әдеби сыйлығының иегері  Елен Әлімжанды қабылдап, мерейлі 80 жасымен құттықтады.
Аудан басшысы Олжас Елебекұлы ардагер жазушының қазақ әдебиеті мен руханиятына сүбелі үлес қосқандығын, баспасөз саласында ұзақ  жыл еңбек етіп, қазақ журналистикасының дамуына айтарлықтай үлес  қосқандығына тоқталды. Ұлт мұраты, елдік мәселе, ұрпақ болашағы-шығармаларының  арқауы болғандығына екпін сала отырып,  мерейлі жас иесіне шығармашылық табыс, ұзақ ғұмыр тілеп, құрметін көрсетті.
Өз кезегінде Елен  Әлімжан аудан басшысына өзіне көрсеткен құрметі үшін алғысын айтып, батасын берді.

Айдар АЛДАБЕРГЕНОВ.