Өткен аптаның сенбісі күні аудан орталығындағы Саяси қуғын-сүргін  және ашаршылық құрбандарына қойылған құлыптас алдында жиын өтті.
Онда аудандық Қоғамдық кеңестің төрағасы Қыдыралы Оралов өткен ғасырдың отызыншы жылдары қазақ жеріндегі зұлматқа тоқталды. Кешегі нәубат жылдарында жазықсыз жала жабылып, қаза болған асыл ерлерімізді еске алудың, бүгінгі бейбіт күннің қадірін білудің маңызын атап өтті. Түрік этномәдени орталығының мүшесі Мехия Раджамов қазақ жеріне еріксіз қоныс аударған этнос өкілдерінің тағдыры мен қазақ халқының көрсеткен  қамқорлығы туралы айтып, мұндай қасірет ешуақытта қайталанбауын тіледі. 
Бұдан кейін жиналғандар Саяси қуғын-сүргін және ашаршылық құрбандарын бір минут үнсіздікпен еске алып, құлыптасқа гүл шоқтарын қойды.

Жәмиля Айдар,
М.Х.Дулати атындағы университетінің 2-курс студенті.