Мемлекет басшысы Қасым-Жомарт Тоқаевтың бастамасымен қолға алынған «Таза Қазақстан» республикалық экологиялық акциясы өз жемісін беруде. Еліміздің түкпір-түкпірінде өтіп жатқан акция аясында қыруар тірліктер атқарылып,  қоршаған ортаға деген шынайы құрмет қалыптасып келеді.
Өткен аптаның сенбісінде Сарыкемер ауылындағы  “Байзақ ауданының 80 жылдығы” атындағы саябақтың маңына тазалық жұмыстары жүргізілді. 
Осы шараға аудан әкімі Олжас Баққараев, аудан әкімдігі мен мәслихат ұжымы, аудан әкімдігіне қарасты  бөлімдер мен Жастар ресурстық орталығының қызметкерлері қатысып, жеке кәсіпкердің демеушілігімен бір гектар жерге мың терек көшеті отырғызылды.

“Ауылына қарап-азаматын таны” демекші, әркім өз ауылының сәнді де сәулетті болғанын қалайды. Ауылы таза, жасыл желегі мол, көзтартарлық болуы көңілге қуаныш  ұялатады. Сондықтанда ауыл тұрғындары көктемгі екі айлық тазалық пен апта сайынғы “Таза Қазақстан” акциясы кезінде көп жұмыстар атқаруда. Көшелер мен саябақтар тазаланып, қураған ағаштар бұталып, көшеттер отырғызылуда.

Өз тілшіміз.