“AMANAT” партиясы Байзақ аудандық филиалы Қостөбе БПҰ Қостөбе орта мектебінің базасында  “Ардагерлерді ардақтайық” жобасы аясында Ұлы Жеңістің 80 жылдығына орай, “Ұрпаққа мұра” акциясы бойынша “Ерлікке тағзым- ұрпаққа мұра” патриоттық іс- шарасын өткізді.
Іс-шараға облыстық ардагерлер кеңесінің хатшысы, отставкадағы полковник Сауранбек Жамалбеков, облыстық ардагерлер кеңесінің комиссия төрағасы Алдаберді Махашев қатысып,  жастарға әскери-патриоттық тәрбие берумен қатар,  Ұлы Жеңістің  80 жылдығына байланысты рухани-үлгілік бағыттағы әңгімелер айтты.
Партияның жобалары мен акциялары барысында аудан көлеміндегі атқарылып жатқан істер мен өткізілген іс-шаралардың мәні мен маңызы туралы “АMANAT” партиясы аудандық филиалының төрағасы Индира Спаналиева айтып берді.
Әскери оркестрдің сүйемелдеуімен соғыс жылдарындағы және патриоттық әндер шырқалды. Жас ұрпақ өздерінің әскери саптық өнерлерін көрсетті.
Мұнан соң ардагерлерге құрмет көрсетіліп, естелікке суретке түсті. Осы іс-шараға белсене қатысқан Жамбыл облысының әскери взводының оркестрі, мектеп директоры Н.Есентаев, директордың  тәрбие ісі -жөніндегі орынбасарлары Диана Мырзалиева, Клара Суюнова, алғашқы әскери дайындық пәнінің мұғалімі Болатқали Беридихановтарға алғыс айтылды.

Өз тілшіміз.