Ұлы Жеңістің 80 жылдығына орай «Ұлы Жеңіс: Ерлікке-Тағзым, Ұрпаққа үлгі» тақырыбында Жамбыл облыстық ардагерлер ұйымының ұйымдастыруымен ардагерлер арасында өткен облыстық спартакиада да аудан командасы IV орынды иеленіп, 250 мың теңгелік сертификатты жеңіп алды.
Жеті спорт түрінен өткен жарыста жекелеген спорт түрлері бойынша дойбыдан Оразкүл Джаманбаева, тоғызқұмалақтан Күлзахира Сыражиева, Асқар Мыңбаев, асық атудан Әбдібек Байділдаев, волейболдан ауданның құрама командасы жүлделі 3-орындарды иеленді. Ал дойбыдан Алимұхаммед Бекайдаров төртінші, теннистен Жібек Шолтабаева, Фарид Кабировтар бесінші орынды иеленіп, аудан командасына мол ұпай қосты.
Жеңімпаздар аудандық ардагерлер кеңесінің дипломы, медальдары,  бағалы сыйлықтарымен марапатталды.
Ауданымыздың спортшы ардагерлерін жеңістерімен құттықтай отырып, алда да аудан спортын асқақтата берулеріне тілектеспіз.

«Ауыл жаңалығы» - ақпарат.