Тараз қаласында Жамбыл облыстық ардагерлер кеңесінің ұйымдастыруымен  Ұлы Отан соғысындағы Жеңістің 80 жылдығына арналған ардагер өнерпаздар арасында «Жеңіс туы желбіресін!» тақырыбында Жамбыл облыстық байқауы өтті. Облысымыздағы 10 аудан мен қала ардагерлері қатысқан байқауда аудан ардагерлерінен жасақталған өнерпаздар командасы жүлделі үшінші орынды иеленді.
Жекелеген өнер түрлері бойынша аудандық аналар кеңесінің төрайымы Шырын Қапарова басқаратын ауданымыздағы «Аналар» хоры жүлделі екінші орынды жеңіп алды.
Жеке орындаушылар арасында «Қара кемпір» әнін орындаған Ертай Тазабеков пен «Тағзым» әнін орындаған Әлмахан Исабаев жүлделі үшінші орыннан көрінді.
Жеңімпаздарға байқауды ұйымдастырушылар тарапынан дайындалған арнайы диплом мен ақшалай сыйлық сертификаттары табысталды.
Аудан абыройын асқақтатқан ауданымыздың өнерпаз ардагерлерін қол жеткізген жетістіктерімен құттықтаймыз!

«Ауыл жаңалығы» - ақпарат.