«Ауылына қарап – азаматын таны»  демекші, ауданымыздың таза да, сәнді, сәулетті болуы біз үшін мақтаныш. Сондықтанда жыл сайын көктемгі, күзгі екі айлықта ауылдарды тазалау, көріктендіру, көгеріштендіру жұмыстары жақсы дәрежеде ұйымдастырылып келеді.
Міне осындай ауылдарды тазалау жұмыстары өткен сенбі күні «Таза Қазақстан» акциясы аясында аудан орталығындағы «Отбасы» аллеясына қарама-қарсы жол бойында болды.
Аудан әкімдігі тұрғын үй, коммуналдық шаруашылық, жолаушылар көлігі және автомобиль жолдары бөлімінің ұйымдастыруымен өткен сенбілікке қатысқандар көп болды. Олардың арасында аудан әкімінің аппараты, аудандық мәслихат ұжымы, аудан әкімдігінің бөлім қызметкерлері белсенділік танытты. Олар үлкен жол бойындағы ретсіз өскен шөптерді шауып, қураған бұтақтарды ретке келтірді, күл-қоқыстарды жиып, сыртқа шығарды. Міне осындай тазалық жұмыстарына аудан әкімі Олжас Баққараев өз орынбасарларымен қатысып, ортақ іске өз үлестерін қосты.

Өз тілшіміз.