2024-2025 оқу жылына арналған “Біртұтас  тәрбие” бағдарламасын іске асыру бойынша медиа-жоспарды орындау мақсатында №2 орта мектебінің 4 “Ә”-сыныбының жетекшісі Жазира Ахметованың ұйымдастыруымен “Атадан-өсиет, анадан-қасиет” тақырыбында ата-ана Берікбай Бексұлтанов пен  Бибігүл Сембиеваның қатысуымен шеберлік сағаты өтті.
Шеберлік сағаты барысында ата-ана Берікбай мен Бибігүл Бексұлтановтар балаларға бүгінде ұлттық қолөнер кәсібін жасау жолдарын және оны қалай ұлттық брендке айналдыруға болатындығын  көрнекі іс-шаралар арқылы сіңіруге болатындығымен бөлісті.
Іс-шара барысында оқушылар қазақ халқының жайлау мәдениетімен, амандасу дәстүрлерімен, ұлттық қолөнер түрлерімен танысты. Мақсаты-ұлттық құндылықтарды насихаттау, тәрбиеленушілерді ұлттық мәдениетке құрметпен қарауға тәрбиелеу, ата-бабамыздың салт-дәстүрлерін бағалауға және оларды қазіргі өмірде қолдануға үйрету. 
Іс-шараның алғашқы бөлімі оқушыларға қазақ халқының табиғатпен тығыз байланысты жайлауда өмір сүрген дәстүрлері туралы айтылды. Келесі бөлімде балалар жүннен ою-өрнек жасау, шаш өру және қамшы өру сияқты ұлттық қолөнер түрлерімен танысты.

Тәрбие сағатының соңында ақжаулықты ана қызбалаларға қонақкәде таратып, ақсақал бата берді.
Ғасырлар бойы сұрыпталған ұлттық құндылықтарымызды оқу-тәрбие процесіне енгізу арқылы ұлтымыздың асыл мұрасын, рухани байлығын өсіп келе жатқан жас ұрпақ бойына сіңіру, халқымыздың салт-дәстүрлері мен әдет-ғұрыптарына деген құрметті қалыптастыру, ұлттық қолөнер түрлерінің маңыздылығын түсіндіру, халқына адал қызмет ететін, отансүйгіш тұлғаларды тәрбиелеп шығару – басты міндеттің бірі саналады. Осы бағытта қолға алынған іс-шаралардың дені ұлттық дәстүр мен құндылықтарымызды қазіргі мәдени үрдістер және жаңашыл технологиялармен өзара үйлесімділігін кіріктіре отырып, өткізудеміз. Бұл өз кезегінде жемісін беретіндігіне сенімдіміз.

Бану Абдурахманова,
директордың тәрбие ісі жөніндегі орынбасары.