Қоршаған ортаның тазалығын сақтап, қолдан келгенше көркейтіп көгалдандыру-басты міндеттің бірі.  Осы мақсатта  аудан көлемінде өтіп жатқан қоғамдық орындарды абаттандыру және сыртқы безендіру екі айлығында  біраз жұмыстар атқарылды.  
Өткен аптаның сенбісінде аудан әкімдігі тұрғын үй-коммуналдық шаруашылық, жолаушылар көлігі және автомобиль жолдары бөлімінің ұйымдастыруымен аудан көлемінде орналасқан бюджеттік мекемелердің айналасына сенбілік жұмыстары жүргізілді. Атап айтқанда, мекеме, ұйым басшылары мен қызметкерлері  ғимараттардың төңірегін ретсіз өскен шөптерден тазартты, тал-дарақтарды әктеп, күл-қоқыстарды шығарды.
-Сенбілік жұмыстарына қатысқан жөн. Ауылымыздың таза да көрікті болуы-бәрімізге ортақ іс. Сондықтан сенбілік шараларына ауыл тұрғындары да белсене қатысып, өздерінің үлестерін қосуға шақырамын,-дейді қатысушылар.
Сенбіліктің қоғамның назарын тазалық сақтауға аударып, экологиялық мәдениетті қалыптастыруда  алатын маңызы зор.

«Ауыл жаңалығы» - ақпарат.