Аудан орталығындағы Сарыкемер мектеп-гимназиясының мәжіліс залында  білім бөлімінің ұйымдастыруымен «Қазіргі қоғамдағы әйелдер мен қыз балаларының құқықтары» тақырыбында  кездесу өтті.
Жүздесуге аудандық ата-аналар комитетінің төрағасы Исағали Сәлімбаев, аналар кеңесінің төрайымы Шырын Қапарова, полиция бөлімі Жергілікті полиция қызметі бөлімі Отбасылық-тұрмыстық зорлық-зомбылыққа қарсы күрес тобының аға инспекторы полиция капитаны Айгүл Нұрова, полиция бөлімі ЮПТ УПИ полиция аға лейтенанты Балнұр Ерген, Отбасын қолдау орталығының психологы Жаңылсын Бейбітова, Байзақ Жастар денсаулық орталығының психологы Айбарша Смағұлова, аналар мен 9-10-сынып оқушы қыздары қатысты.
Жиын барысында  әйелдер мен балаларды отбасылық-тұрмыстық зорлық-зомбылықтан қорғау, оны қолданғаны үшін жауапкершілікті, отбасы тұрмыстық салада жасалған әрекеттер үшін заңға енгізілген толықтырулар мен өзгерістер, ерте жүктілік, кәмелетке толмағандарға қатысты жыныстық сипаттағы әрекеттер үшін жауапкершіліктер айтылып, түсінік берілді. Аналар кеңесінің төрайымы Шырын Қапарова ұлттық тәрбиенің маңызы туралы ойымен бөлісті. Сондай-ақ, нашақорлық, буллинг, кибербуллингтің алдын алу бойынша деректі фильмдер көрсетілді.

Зәуреш Сатылғанова,
аудандық білім бөлімінің әдіскері.