Аудандық сотта құқық қорғау органдары мен мемлекеттік мекемелердің өкілдерінің қатысуларымен «Тергеу судьяларының Қазақстан Республикасы Қылмыстық және Қылмыстық-процестік кодекстерінің нормаларын қолдануға байланысты сұрақтар» тақырыбында дөңгелек үстел отырысы өтті.
Іс-шараға аудандық прокуратура, полиция, пробация бөлімдерінің басшылары мен аудан әкімінің орынбасары қатысты.
Отырысты ашқан сот төрағасы Досжан Төленбеков күн тәртібінде қаралып отырған мәселеге тоқталды. Әрмен қарай тергеу судьясының қылмыстық процесте атқаратын рөлі мен өкілеттілігіне, Қазақстан Республикасы Қылмыстық және Қылмыстық-процестік кодекстерінің нормаларын қолдануға қатысты сұрақтар  кеңінен талқыланды. Сонымен қатар қатысушылар ҚР ҚПК-нің 106, 107 баптарына сәйкес, материалдарды қарау кезіндегі күрделі мәселелер туралы айтып өтті.

Өз тілшіміз.