Қасиетті Маңғыстау өңірінде дүбірлеген ақындар айтысы болып өтті. «Нұр Отан» партиясының 15 жылдығына орай Ақтау қаласында Маңғыстау облыстық мәдениет басқармасының ұйытқы болуымен өткен «Береке басы - бірлікте» атты жыр сайысына еліміздің барлық өңірінен келген дарабоз ақындар қатысып, ел бірлігін, татулығын, қасиетті Маңғыстау өлкесінің тарихын, байлығын жырларына арқау етті. Дүбірлі додаға облысымыздың намысын қорғаған, аудандық балалар және жасөспірімдер орталығының тәлімгері Әсет Дүйсебаев қарсыластарын ойлы сөзбен түйреп, айтыстың шырайын келтірді. 5 сағатқа созылған сөз сайысында жерлесіміз
Әсет Дүйсебаев шашасына шаң жұқтырмай, бірінші орынды иемденіп, қанғыжасына 1,5 млн. теңгені байлап қайтты. Өнер өлкесіне өзіндік өрнек сала білген, өткір тілді ақынымыз Әсетке шығармашылық табыс тілей отырып, әрдайым мерейің үстем болсын демекпіз. Аудандық “Ауыл жаңалығы” басылымының шығармашылық ұжымы.
|
Обновлено 26.05.2014 16:37 |