Өткен аптада аудан әкімдігінің мәжіліс залында аудан әкімдігінің сәулет,  қала құрылысы және құрылыс бөлімінің басшысы Ербол Садыровтың төрағалығымен «Жылжымайтын мүліктің бірыңғай мемлекеттік кадастр құрылымы мен өңірлік геоақпараттық жүйенің байланысы» тақырыбына арналған жиын болып өтті.
Аудан аумағындағы ауыл, ауылдық округ әкімдері, бірқатар бөлім, мекеме басшылары мен жауапты мамандары шақырылған жиынға облыс әкімдігі сәулет және қала құрылысы басқармасының бас маманы

Темірғалы Балтабаев, облыс әкімдігі цифрлық технологиялар басқармасының бас маманы Жандос Молдахан қатысты.

Күн тәртібіне шығарылған мәселе бойынша жиын қатысушыларына жылжымайтын мүліктің бірыңғай мемлекеттік кадастр құрылымы мен өңірлік геоақпараттық жүйе туралы кеңінен ақпараттар беріліп, слайд арқылы сабақтастырыла түсіндіру жұмыстары жүргізілді. Өз кезегінде жиынға қатысушылар тарапынан қойылған сұрақтарға нақты жауаптар берілді.

«Ауыл жаңалығы» - ақпарат.