Аудан әкімдігінің мәжіліс залында аудандық мәслихаттың кезектен тыс ХХІІІ сессиясы өтті. Сессияға аудан әкімінің міндетін атқарушы Болат Сағынбеков, аудан әкімдігінің бөлім басшылары қатысты.
Сессияны аудандық мәслихаттың төрағасы Бақтияр Ақбаев ашып, жүргізіп отырды.
Сессияда «Байзақ  ауданының  Құрметті азаматы» атағына ұсыныс енгізу жөніндегі комиссияның құрамын бекіту туралы «Байзақ аудандық мәслихатының 2020 жылғы 18 наурыздағы №63-8 шешіміне өзгерістер енгізу туралы» аудан әкімі аппаратының басшысы Еркін Зәуірбеков баяндады.
Аудандық мәслихаттың шешімімен Р.Қасымов, О.Ибрагимов, Ө.Нұрбаевтар комиссия құрамынан шығарылып, олардың орнына  аудан әкімінің орынбасары Дулат Жақыпбеков (төраға), аудан әкімі аппаратының персоналды басқару қызметі бөлімшесінің басшысы Жанат Асанқұлова (хатшысы), «Ақжол -7» шаруа қожалығының жетекшісі Бағдат Момыновтар (мүшесі) комиссия құрамына енгізілді.
Сессия соңында Б.Ақбаев депутаттарды келесі кезекті сессияның күн тәртібімен таныстырып, оған дайындықпен келуді ескертті.

«Ауыл жаңалығы» - ақпарат.