Вирустық гепатит - бұл гепатиттің 5 вирусының бірімен шақырылатын  бауырдың қабынуы: A, B, C, D  және  E.  Бұл вирустар әртүрлі жолдармен беріледі: А және Е гепатиті-ластанған тамақ өнімдері мен су арқылы; В гепатиті-қауіпсіз емес қан және ағзаның басқа да сұйықтықтары арқылы; С гепатиті-негізінен жұқтырылған қан және D гепатиті арқылы - В гепатиті болған жағдайда қосымша инфекция ретінде.
Бұл вирустардың барлығы жіті гепатит тудырады, оған шаршау, тәбеттің жоғалуы, жоғары температура мен сарғаю тән. Адамдардың көпшілігі толығымен сауығады, бірақ аздаған адамдардың арасында жіті гепатит өлімге әкелуі мүмкін. Сонымен қатар, В және С гепатитінің жұқпалары созылмалы болып, бауыр циррозы мен обырының дамуына әкелуі мүмкін.
Гепатит А  ауруында негізгі алдын алу: бұл қарапайым гигиена ережелерін сақтау, бәрі біледі, бірақ бәрі бірдей емес:
• Дәретханадан кейін, тамақ алдында, жұмыстан кейін, көшеден кейін қолды сабынды сумен мұқият жуыңыз.
• Көкөністер мен жемістерді, тіпті бақшаңыздан болса да мұқият жуыңыз.
• Табиғатта немесе саяжайда болғанда қайнатылмаған суды ішпеңіз.
• Балаларды ерте жастан бастап жеке гигиена ережелерін сақтауға үйретіңіз.
• Е вирусты гепатиті жалпы сипатта А гепатиті мен ұқсас.
Энтеральды А және Е вирусты гепатиттерінің алдын алу үшін әсіресе ішек инфекцияларының алдын алу және басқа да ішек инфекцияларының алдын алу үшін қолданылатын жалпы гигиеналық және санитарлық сипаттағы іс-шаралар маңызды. Сумен жабдықтау көздерін ластанудан қорғау, ауыз суды тұрақты хлорлау, қоғамдық тамақтану мекемелерінде санитарлық бақылау, халықты және тағы басқада санитарлық ағарту.
В және С парентеральды гепатиттері мен жұқпайды:
• Жөтел және түшкіргенде.
• Қол алысу кезінде.
• Құшақ және сүйісу.
• Жалпы тағам немесе сусын пайдалану кезінде.
Гепатит вирусын жұқтырды деген күдікпен шұғыл дәрігерге бару қажет. Ауруды емдеу қиын, ұзақ және қымбат болатын сатыға дейін созбаңыз. Парентеральды гепатиттерді дер кезінде анықтау және оларды тиімді емдеу-бұл сауығудың және асқынулардың дамуының болмауының кепілі.
Парентеральды гепатиттердің алдын алу:
• Ретсіз жыныстық қатынасқа түспеңіз және мүшеқапты пайдалануды ұмытпаңыз.
• Есірткіні пайдаланбаңыз, әсіресе инъекциялық.
• Күмәнді орындарда пирсинг пен татуировка жасамаңыз.
• Әрқашан жеке гигиена ережелерін сақтауды ұмытпаңыз.
• В гепатитін вакцинациялау арқылы болдырмауға болады.
В гепатитіне қарсы иммундау Қазақстан Республикасының алдын алу екпелерінің ұлттық күнтізбесіне енгізілген және балаларға өмірдің бірінші жылында жүргізіледі (өмірдің 1-4 күні 2 ай және 4 ай ревакцинациялау мен вакцинациялау).
С вирустық гепатитінің алдын алу үшін вакцина жоқ.

Роза  Пірімқұлова,
аудандық санитариялық-эпидемиологиялық бақылау басқармасы басшысының орынбасары.