Халықтың қамын күйттеп келе жатқан «Нұр Отан» партиясының мүшелері тағы бір топ азаматтармен толықты. Дәлірек айтсақ, сәрсенбі күні ауданымызда жаңадан бой көтерген «Астана» балабақшасында болған партия аудандық филиалы төрағасының бірінші орынбасары Н.Тлепов ұжымның бір топ  жастарына жаңа үлгідегі партия билеттерін табыстады.
«Нұр Отанның» негізгі ұстанымдары, оның нұрлы болашақ жолындағы жасампаз істері, басты бағыт-бағдары туралы сөз еткен Нұржан Сейдазымұлы мүшелікке қабылданғандарды шын жүректен құттықтап, дендеріне саулық, елімізге бірлік-береке тіледі.
Салтанатты рәсімде сөз алған балабақша меңгерушісі Ләйлә Жарылқапова партияның бір бөлшегі болу үлкен жауапкершілікті жүктейтіндігін тілге тиек етіп, әріптестерін саналы ұрпақ тәрбиелеуге шақырды.

Өз тілшіміз.