Өткен аптада ауданымыздағы әлеуметтік маңызы бар азық-түлік бағаларының негізсіз өсуіне жол бермеу мақсатында, арнайы бекітілген мониторингтік топтың жетекшісі, аудан әкімінің орынбасары Дулат Жақыпбековтің басшылығымен бірнеше дүкендегі әлеуметтік маңызы бар азық-түлік бағаларына зерделеу жұмыстары жүргізілді.
Олардың ішінде халық көп баратын аудан орталығындағы «Аққу», «Бегей-1», «Бегей-2», «Арзан», «Фиркан», «Корзинка» сауда орталықтарындағы  азық-түлік бағасына зерделеу жасалды. Сондай-ақ бағаны 15 пайыздық шектік бағадан асырмау керектігі ескертіліп, бағаларды мұқият қарап шықты. Зерделеу барысында әлеуметтік бұрыштың және кассалық аппараттың болуы, азық-түлік бағаларының жазылып қойылуы, сатып алушыларға чектің берілуі қатаң бақыланды. Сондай-ақ атап өткендей, шектік бағаны асырмау керек екендігі туралы арнайы құрылған мониторингтік топ ескерту айтып, түсіндіру жұмыстарын жүргізді. Сауда орталықтарының иелеріне ескерту хаттары берілді.

Айдар Алдабергенов.