Көктем шығысымен ауыл тұрғындары ауласын, бау-бақшасын қураған шөптен, қи-қоқыстан тазартамыз деп қоқыс жағып қараусыз қалдырып, соңы үлкен өрттерге алып келеді. Өрт тұрғын үй, автокөлік және ең басты құндылық - адам өміріне үлкен қауіп тудырады. Осындай келеңсіз оқиғаларды болдырмас үшін мынадай өрт қауіпсіздік ережелерін
қатаң сақтаңыздар: 1. Аула аумағын үнемі жанғыш қи-қоқыстардан тазартып тұрыңыз; 2. Аулада қураған шөп, тұрмыстық, қи-қоқыс жағуға жол бермеңіз; 3. Тұрғын үйлерде тез тұтанғыш сұйықтықтарды (керосин, бензин тағы басқа) сақтауға қатаң тыйым салынады. 4. Үйлерге жақын және салынып жатқан құрылыс шатырларында шөп жинауға; 5. Ас бөлмесі, дәліз, шатырларды қираған үй жиһаздарымен және бөгде заттармен бөгеуге; 6. Шөп жинайтын пен қоймаларда ашық от көздерімен (жанып тұрған факелмен, шақпақ тағы басқа) жүруге; 7. Балалардың сіріңкемен және ашық от көздерімен ойнауларына жол бермеңіздер. Естеріңізде сақтаңыздар! Өрт қауіпсіздік ережелерін сақтау - әр азаматтың міндеті. Өрт қауіпсіздік қағидаларын бұзған азамат - әкімшілік немесе қылмыстық жауапкершілікке тартылатындығын естен шығармаңыздар.
Жансерік Есқараев, аудандық Төтенше жағдайлар бөлімінің аға анықтаушысы, азаматтық қорғау капитаны. |